Skákfélag Mosfellsbæjar
Skákæfingar fyrir börn í 1.–10. bekk í Varmárskóla.
Haustönn hefst fimmtudaginn 17. september.
Æfingar fyrir börn
Æfingar á fimmtudögum í Varmárskóla.
Haustönn 2026: 17. september – 10. desember.
1.–3. bekkur · Kl. 16:30-17:25
Skemmtilegar og fjölbreyttar skákæfingar fyrir yngstu krakkana. Henta bæði byrjendum og lengra komnum.
4.–10. bekkur · Kl. 17:30-18:25
Grunnatriði skákarinnar, skákþrautir, leikir og helling af skák. Henta bæði byrjendum og lengra komnum.
Áhersla er lögð á að krakkarnir hafi gaman, öðlist öryggi við skákborðið og fái tækifæri til að bæta sig á sínum hraða.
Eiríkur K. Björnsson skákmeistari Mosfellsbæjar 2026
Skákmeistaramót Mosfellsbæjar 2026 fór fram sunnudaginn 30. ágúst í tengslum við bæjarhátíðina Í túninu heima. Alls tóku 16 skákmenn þátt í mótinu og var teflt í Þverholti 2 í Mosfellsbæ. Tefldar voru sjö umferðir með tímamörkunum 4+3 og var mótið reiknað til alþjóðlegra hraðskákstiga.
Það var hart barist um efstu sætin og spennan hélst allt til loka. Eiríkur K. Björnsson stóð að lokum uppi sem sigurvegari með 6 vinninga af 7 mögulegum og tryggði sér þar með titilinn Skákmeistari Mosfellsbæjar 2026.
Skammt undan komu Anh Hai Tran og Egill Steinar Ágústsson, sem báðir hlutu 5½ vinning. Anh Hai hafði betur eftir oddastigareikning og hafnaði því í öðru sæti en Egill Steinar tók þriðja sætið. Keppnin var einnig hörð þar fyrir aftan; Hafþór Andri Þorvarðarson, Katrín Ósk Tómasdóttir, Ómar Jón Holm Kjartansson, Daníel Hákon Friðgeirsson og Ólafur Magnússon luku öll keppni með 4 vinninga.
Verðlaunin í ár voru með skemmtilegu Mosfellsbæjarívafi. Eiríkur fékk að launum innrammaða ljósmynd af Úlfarsfelli, Anh Hai ljósmynd af Reykjafelli og Egill Steinar ljósmynd af Helgafelli. Þá fengu þrír efstu keppendurnir einnig vinninga frá Apótekaranum.
Mosfellsbakarí sá keppendum fyrir veitingum meðan á mótinu stóð og kunnum við þeim bestu þakkir fyrir það. Þá viljum við einnig þakka Tómasi Tandra innilega fyrir frábæra myndatöku á mótinu.
Skákfélag Mosfellsbæjar þakkar öllum keppendum kærlega fyrir komuna og fyrir skemmtilegt mót. Það var virkilega gaman að sjá skákina fá sinn sess á Í túninu heima og við hlökkum til næsta móts. Til hamingju, Eiríkur K. Björnsson – Skákmeistari Mosfellsbæjar 2026! 🏆
Skoða úrslit
Gauti Páll Jónsson sigurvegari Aprílmóts
Aprílmót Skákfélags Mosfellsbæjar fór fram laugardaginn 11. apríl við góðar aðstæður og var þátttaka með ágætum. Ungir sem aldnir tóku þátt og stemning var með besta móti.
Gauti Páll Jónsson (2293) tefldi af miklu öryggi og vann mótið sannfærandi með fullt hús stiga, 7 vinninga af 7 mögulegum. Dagur Andri Friðgeirsson (2014) fylgdi fast á eftir og endaði í öðru sæti með 6 vinninga.
Í þriðja sæti varð Páll Snædal Andrason (2026) eftir stigaútreikning, en hann hlaut 4,5 vinninga, jafnmarga og Arnar Ingi Njarðarson (1763).
Skákfélag Mosfellsbæjar þakkar öllum keppendum kærlega fyrir þátttökuna og hlakkar til næsta móts í mótaröð félagsins.
Skoða úrslit
Rögnvaldur Jónsson sigurvegari á marsmóti
Marsmót Skákfélags Mosfellsbæjar fór fram laugardaginn 14. mars. Góð þátttaka var í mótinu og tefldar voru sjö umferðir. Mótið var reiknað til alþjóðlegra hraðskákstiga (FIDE). Ungir sem aldnir kepptu við góðar aðstæður og var stemningin með besta móti.
Sigurvegari mótsins varð Rögnvaldur Jónsson (1743) með 6 vinninga af 7 mögulegum. Rögnvaldur bætti þar með stöðu sína frá fyrra móti, þar sem hann hafnaði í þriðja sæti, og steig nú upp á toppinn.
Í öðru sæti varð Kjartan Ragnars með 5,5 vinninga, en hann átti gott mót. Tómas Rasmus (1782) átti einnig gott mót og hafnaði í þriðja sæti, einnig með 5,5 vinninga.
Við þökkum öllum keppendum kærlega fyrir þátttökuna og hlökkum til næsta móts í mótaröð félagsins.
Skoða úrslit
Fyrsta skákmót Skákfélags Mosfellsbæjar
Fyrsta skákmót Skákfélags Mosfellsbæjar var haldið á Valentínusardaginn, 14. febrúar. Alls tóku 15 keppendur þátt og tefldar voru 7 umferðir í spennandi og jöfnu móti.
Gauti Páll Jónsson (2252) stóð uppi sem sigurvegari mótsins með 6 vinninga af 7 mögulegum. Hann tefldi af miklu öryggi allan tímann og vann sex skákir í röð áður en hann laut í lægra haldi í lokaumferðinni.
Í öðru sæti varð Eiríkur K. Björnsson (2051) með 5 vinninga. Í þriðja sæti hafnaði Rögnvaldur Jónsson (1733), einnig með 5 vinninga, en hann vann sigurvegara mótsins í lokaumferðinni. Ómar Jón Hólm Kjartansson (1459) átti gott mót og hafnaði í 4. sæti með 4,5 vinninga.
Við þökkum öllum keppendum kærlega fyrir þátttökuna og hlökkum til næsta móts!
Skoða úrslit
Skákmót
Mánaðarleg hraðskákmót reiknuð til alþjóðlegra stiga.
Laugardaga kl. 12:30-14:30 í Þverholti 2, Mosfellsbæ.
Næsta mót
Laugardaginn 26. september kl. 12:30-14:30
Þverholti 2, Mosfellsbæ
Þátttökugjöld
Félagsmenn: Ókeypis
Utanfélagsmenn 18+: 1000 kr
Utanfélagsmenn 17 og undir: 500 kr
Mótadagatal 2026
Haust 2026
Um félagið
Skákfélag Mosfellsbæjar er nýstofnað skákfélag sem miðar að því að efla skákstarf í bænum. Félagið stendur fyrir vikulegum skákæfingum fyrir börn og mánaðarlegum skákmótum þar sem allir eru velkomnir.
Árgjald: 5000 kr. Ókeypis fyrir börn undir 17 ára.
Meðlimir fá ókeypis aðgang að öllum mótum.
Þjálfarar
Æfingar hjá Skákfélagi Mosfellsbæjar eru leiddar af Degi Andra og Daníel Hákoni. Báðir hafa þeir mikinn áhuga á skák og reynslu af skákstarfi.
Áhersla er lögð á jákvætt og öruggt umhverfi þar sem allir fá að læra á sínum hraða, byggja upp sjálfstraust og njóta skákarinnar í góðum félagsskap.
Gagnlegir hlekkir
Lichess
Ókeypis skákvefsíða
Chess.com
Vinsæl skákvefsíða
ChessKid
Skákvefsíða fyrir börn
ChessKid YouTube
Kennslumyndbönd
Skákkennsla Skáksambands Íslands
Kennsluefni
Mótaáætlun Skáksambands Íslands
Yfirlit yfir skákmót á Íslandi
VignirVatnar.is
Kennsluefni á íslensku
Duolingo
App á Google Store og Apple Store
Hafa samband
Spurningar? Sendu okkur línu.